Հայաստանի երիտասարդական հավաքականի հարձակվողը բելառուսական ակումբի հետ մեկնել է հավաքի

15:20   4 փետրվարի, 2019

Հայաստանի երիտասարդական հավաքականի եւ Երեւանի «Արցախի» հարձակվող Գրիգոր Աղեկյանը շարունակում է փորձաշրջան անցնել բելառուսական «Իսլոչում»:

22-ամյա ֆուտբոլիստը «Իսլոչի» հետ մեկնել է հավաքի, որը տեղի կունենա Բելառուսի Պինսկ քաղաքում: Թիմի կազմում հավաքին կմասնակցեն 22 ֆուտբոլիստներ, հայտնում է ակումբի կայքը:

Հիշեցնենք, որ Գրիգոր Աղեկյանը մի քանի ստուգողական խաղի է մասնակցել բելառուսական ակումբի կազմում: Հայաստանի ընթացիկ առաջնությունում նա մասնակցել է 16 խաղի եւ դարձել 3 գոլի հեղինակ: Բելառուսի ավարտված առաջնությունում «Իսլոչը» զբաղեցրել է 10-րդ տեղը:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։