Հայ ըմբիշները 4 ոսկե մեդալ են նվաճել Նիցայում, Մաքսիմ Մանուկյանն անհաջող է հանդես եկել
22:46 3 փետրվարի, 2019Հայաստանի ներկայացուցիչները հաջող են հանդես եկել Ֆրանսիայի Նիցա քաղաքում անցկացված 1924թ. օլիմպիական չեմպիոն Անրի Դեգլանի հիշատակին նվիրված հունահռոմեական ըմբշամարտի մրցաշարում:
Հայաստանի թիմի 7 ըմբիշներից չորսը դարձել են մրցաշարի հաղթող: Ոսկե մեդալ են նվաճել Ռուդիկ Մկրտչյանը (55 կգ), Կարեն Ասլանյանը (67 կգ), Հրանտ Կալաչյանը (72 կգ) եւ Արսեն Ջուլֆալակյանը (77 կգ): Գեւորգ Ղարիբյանը (60 կգ) եւ Արթուր Շահինյանը (97 կգ) դարձել են բրոնզե մեդալակիրներ:
Հայաստանի ներկայացուցիչներից մեդալ չի նվաճել միայն 80 կգ քաշային կարգում աշխարհի ու Եվրոպայի չեմպիոն Մաքսիմ Մանուկյանը, որը հանդես է եկել 87 կգ քաշային կարգում: Մանուկյանը կրել է 2 պարտություն եւ 6 մասնակիցների մեջ բաժանել վերջին տեղը:
«Իմ քայլը» դաշինիքից 7-րդ գումարման Ազգային ժողովի պատգամավորի մանդատ ստացած օլիմպիական փոխչեմպիոն Արսեն Ջուլֆալակյանը եզրափակիչում հաղթել է Ֆրանսիան ներկայացնող Էվրիկ Նիկողոսյանին:
Թիմային պայքարում Հայաստանի թիմը գրավել է երկրորդ տեղը՝ զիջելով միայն Ֆրանսիային:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։