Կիպրոսում հավաքը շարունակող Երեւանի «Արարատ-Արմենիան» փետրվարի 3-ին ստուգողական հանդիպում է անցկացրել Ռուսաստանի Պրեմյեր լիգայում հանդես եկող Բաշկիրիայի «Ուֆայի» հետ: Գրանցվել է 1:1 հաշիվը: Թիմերը մեկական գոլ են փոխանակել երկրորդ խաղակեսում: Հայկական ակումբի պատասխան գոլը խփել է ռուսաստանցի հարձակվող Անտոն Կոբյալկոն:
Հավաքի նախորդ 2 ստուգողական խաղերում Վարդան Մինասյանի գլխավորած թիմը հաղթել էր կիպրոսյան «Ակրիտաս Չլորակասին» (3:1) եւ «Դիգենիս Օրոկլինիսին» (2:0):
Վանաձորի «Լոռին» ու Գյումրիի «Շիրակը» չեն պարզել հաղթողին: Գյումրիի Ֆուտբոլի ակադեմիայում կայացած ստուգողական խաղում գրանցվել է 2:2 հաշիվը: «Լոռիից» դուբլի հեղինակ է դարձել Ստեֆան Ադջումանին, իսկ «Շիրակի» կազմում աչքի ընկան Արամ Մուրադյանը եւ Խորեն Վերանյանը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։