Gibraltar Masters. Մելքումյանը 20-րդն է, Արոնյանը՝ 24-ը
23:42 31 հունվարի, 2019Ջիբրալթարում ռուսաստանցի գրոսմայստեր Վլադիսլավ Արտեմիեւի հաղթանակով ավարտվեց Gibraltar Masters մրցաշար: Հաղթողը 10 հնարավորից վաստակեց 8.5 միավոր եւ միանձնյա գրավեց առաջին տեղը: Երկրորդ տեղը 8 միավորով գրավեց հնդիկ Մուրալի Կարտիկեիանը:
Հայաստանի ներկայացուցիչ Հրանտ Մելքումյանը վերջին տուրում սեւերով ոչ ոքի խաղաց չեխ Դավիդ Նավարայի հետ եւ 7 միավորով բաժանեց 6-22-րդ տեղերը: Լրացուցիչ ցուցանիշով նա գրավեց 20-րդ տեղը:
Լեւոն Արոնյանը 6.5 միավորով բաժանեց 23-40-րդ տեղը: Հայկական շախմատի առաջատարի վերջնական տեղն է 24-ը:
Հիշեցնենք, որ Լեւոն Արոնյանը Gibraltar Masters-ի անցած տարվա հաղթողն էր: Նախորդ տարի հայ գրոսմայստերը եզրափակիչ թայ-բրեյքում ուժեղ էր գտնվել ֆրանսիացի Մաքսիմ Վաշյե-Լագրավից:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։