Gibraltar Masters. Լեւոն Արոնյանը պարտվեց վերջին տուրում եւ դուրս մնաց լավագույն տասնյակից
18:20 31 հունվարի, 2019Ջիբրալթարում ավարտին մոտեցող Gibraltar Masters մրցաշարի վերջին տուրում հայկական շախմատի առաջատար Լեւոն Արոնյանը սպիտակ ֆիգուրներով մրցեց անգլիացի գրոսմայստեր Դեւիդ Հաուելի հետ եւ ընդունեց պարտությունը 29–րդ քայլում։ Արոնյանը 10 հնարավորից վաստակեց 6.5 միավոր եւ բաժանում է ընթացիկ 15–33–րդ տեղերը։
Տուրի բոլոր պարտիաները դեռ չեն ավարտվել։ Հրանտ Մելքումյանը շարունակում է պարտիան չեխ Դավիդ Նավարայի հետ։
Հիշեցնենք, որ Լեւոն Արոնյանը Gibraltar Masters-ի անցած տարվա հաղթողն էր: Նախորդ տարի հայ գրոսմայստերը եզրափակիչ թայ-բրեյքում ուժեղ էր գտնվել ֆրանսիացի Մաքսիմ Վաշյե-Լագրավից:
Մրցաշարի հաղթողը կստանա 25 հազար ֆունտ ստերլինգ: Գումարային պարգեւ կստանան 1-15-րդ տեղ գրաված շախմատիստները:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։