Լոնդոնի «Արսենալի» կիսապաշտպան Հենրիխ Մխիթարյանը մասնակցել է 5 Shot Challenge հաղորդմանը: Հայաստանի ազգային հավաքականի ավագի մրցակիցը եղել է նրա ակումբակից Մատեո Գենդուզին:
Հիշեցնենք, որ Մխիթարյանը վնասվածքից հետո վերադարձել է «Արսենալի» ընդհանուր խումբ եւ մարզվում է առանց սահմանափակումների:
Հունվարի 21-ին ծննդյան 30-րդ տարեդարձը նշած Հենրիխ Մխիթարյանը խաղադաշտից բացակայում է դեկտեմբերի 19-ից, երբ վնասվածք էր ստացել «Տոտենհեմի» դեմ Անգլիական լիգայի գավաթի խաղարկության քառորդ եզրափակիչի խաղում:
«Արսենալը» հաջորդ հանդիպումը կանցկացնի փետրվարի 3-ին՝ Պրեմյեր լիգայի 25-րդ տուրում հյուրընկալվելով «Մանչեսթեր Սիթիին»:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։