«Ալաշկերտը» պայմանագիր է կնքել բրազիլացի հարձակվողի հետ
16:33 30 հունվարի, 2019«Ալաշկերտի» կազմը համալրել է բրազիլացի հարձակվող Գլաուսիո Ժոզե դե Արաուժո Սիլվան, հայտնում է ակումբի կայքը:
24-ամյա ֆուտբոլիստը հայկական ակումբի հետ կնքել է պայմանագիր, որը նախատեսված է մինչեւ 2020 թվականի օգոստոսը:
Մինչեւ «Ալաշկերտ» տեղափոխվելը հարձակվողը խաղացել է բրազիլական «Ամերիկա», «Գլոբո» եւ «Օեստե» թիմերում, իսկ վերջին ամիսներին հանդես էր գալիս բուլղարական «Դունավի» կազմում:
«Շատ ուրախ եմ, որ պայմանագիր ստորագրեցի «Ալաշկերտի» հետ: Միշտ էլ հաճելի է խաղալ չեմպիոնի կազմում: Պետք է պաշտպանենք չեմպիոնական տիտղոսը եւ կարողանանք հաջողության հասնել եվրագավաթներում: Սա արտասահմանում հանդես գալու իմ երկրորդ փորձն է: Վերջին ամիսներին խաղում էի Բուլղարիայում: Կարծում եմ, որ այդ փորձը կօգնի ինձ արդեն «Ալաշկերտում»:
Թիմում ինձ շատ լավ ընդունեցին, ամեն ինչ հիանալի է: Ադապտացիայի հարցում ինձ շատ են օգնում իմ հայրենակիցներ Ջեֆերսոնը եւ Գուստավոն: Ողջունում եմ նաեւ «Ալաշկերտի» երկրպագուներին: Ամեն ինչ կանեմ, որպեսզի ուրախացնեմ իմ գոլերով»,- նշել է Գլաուսիոն:
Գլաուսիոն «Ալաշկերտին» միացել էր մինչեւ Անթալիա մեկնելը եւ այս օրերին մասնակցում է տարվա առաջին արտասահմանյան հավաքին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։