Անգլիայի առաջնության 24-րդ տուրն անհաջող դասավորվեց մանչեսթերյան սուպերակումբների համար: «Մանչեսթեր Յունայթեդը» նորվեգացի Ուլե-Գունար Սուլշերի ղեկավարությամբ 8 հաղթանակից հետո ունեցավ առաջին ոչ ոքին՝ հյուրընկալելով «Բարնլիին»: Թեեւ դաշտի տերերը միայն վերջին րոպեներին կարողացան խուսափել պարտությունից՝ 2:2:
Երկրորդ խաղակեսում երկու գոլ բաց թողնելուց հետո «Մանչեսթեր Յունայթեդը» վերջին րոպեներին ֆրանսիացի կիսապաշտպան Պոլ Պոգբայի եւ շվեդ պաշտպան Վիկտոր Լինդելյոֆի գոլերիի շնորհիվ վերականգնեց հավասարությունը:
«Մանչեսթեր Սիթին» հյուրընկալվելիս 1:2 հաշվով պարտվեց «Նյուքասլին»: Կատալոնացի Խոսեպ Գվարդիոլայի գլխավորած թիմը 56 միավորով երկրորդ տեղում է եւ 4 միավոր հետ է մեկ հանդիպում քիչ անցկացրած «Լիվերպուլից»:
«Մանչեսթեր Յունայթեդը» 45 միավորով 6-րդն է եւ 2-ական միավոր զիջում է «Չելսիին» (23 խաղ) եւ «Արսենալին»:
Անգլիայի առաջնություն, 24-րդ տուր
«Մանչեսթեր Յունայթեդ» - «Բարնլի»՝ 2:2 (տեսանյութ)
Պոլ Պոգբա, 87, 11մ, Վիկտոր Լինդելյոֆ, 90+3 - Էշլի Բարնս, 51, Կրիս Վուդ, 81
«Նյուքասլ» - «Մանչեսթեր Սիթի»՝ 2:1 (տեսանյութ)
Խոսե Սալոմոն Ռոնդոն, 66, Մեթ Ռիթչի, 80, 11մ - Սերխիո Ագուերո, 1
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։