Gibraltar Masters. Լեւոն Արոնյանը ոչ ոքի խաղաց առաջատարի հետ
22:11 29 հունվարի, 2019Ջիբրալթարում անցկացվող Gibraltar Masters մրցաշարի (10 տուր) 8-րդ տուրում հայկական շախմատի առաջատար Լեւոն Արոնյանը սպիտակ ֆիգուրներով խաղաց 20-ամյա ռուսաստանցի Վլադիսլավ Արտեմեւի հետ, որը նախորդ տուրում հաղթել էր ամերիկացի Հիկարու Նակամուրային: Գրոսմայստերները կատարեցին 41 քայլ եւ համաձայնեցին ոչ ոքի արդյունքի:
Արոնյանը 6 միավորով բաժանում է 3-12-րդ տեղերը: Արտեմեւն ու չեխ Դավիդ Նավարան վաստակել են 6.5-ական միավոր եւ կիսում են առաջին տեղը:
Հիշեցնենք, որ Լեւոն Արոնյանը Gibraltar Masters-ի գործող հաղթողն է: Նախորդ տարի հայ գրոսմայստերը եզրափակիչ թայ-բրեյքում ուժեղ էր գտնվել ֆրանսիացի Մաքսիմ Վաշյե-Լագրավից:
Մրցաշարի հաղթողը կստանա 25 հազար ֆունտ ստերլինգ: Գումարային պարգեւ կստանան 1-15-րդ տեղ գրաված շախմատիստները:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։