Լոնդոնի «Չելսիի» եւ Իսպանիայի հավաքականի հարձակվող Ալվարո Մորատան վարձակալությամբ տեղափոխվեց Մադրիդի «Աթլետիկո», հաղորդում է անգլիական ակումբի մամուլի ծառայությունը: 26-ամյա ֆուտբոլիստի վարձակալության պայմանագիրը նախատեսված է մինչեւ 2019-2020 թվականների մրցաշրջանի ավարտը:
Ոչ պաշտոնական տվյալներով, պայմանագրում ներառված է 40-45 միլիոն եվրոյով տրանսֆերային իրավունքը հետագայում ձեռք բերելու հնարավորությունը:
Մորատան «Չելսի» էր տեղափոխվել Մադրիդի «Ռեալից» 2017թ. ամռանը: Տրանսֆերի գինը 66 միլիոն եվրո էր: Անգլիայի ընթացիկ առաջնությունում Մորատան մասնակցել է 16 հանդիպման, խփել 5 գոլ: Նրա պայմանագիրը լոնդոնյան ակումբի հետ նախատեսված է մինչեւ 2022 թվականը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։