Ջիբրալթարում անցկացվող Gibraltar Masters մրցաշարի (10 տուր) 6-րդ տուրում հայկական շախմատի առաջատար Լեւոն Արոնյանը սեւ խաղաքարերով հաղթեց անգլիացի գրոսմայստեր Նայջել Շորթին՝ տանելով չորրորդ հաղթանակը: Պարտիան ավարտեց 52-րդ քայլին:
6-րդ տուրից հետո հայ գրոսմայստերը հավաքել է 5 միավոր եւ 6 շախմատիստների հետ գլխավորում է մրցաշարային աղյուսակը:
Հայաստանի մյուս ներկայացուցիչներից Հրանտ Մելքումյանը սեւերով պարտվեց ուկրաինուհի Մարիա Մուզիչուկին, իսկ կանանց Հայաստանի հավաքականի առաջատար Էլինա Դանիելյանը սեւերով պարտություն կրեց անգլիացի Էշլի Ստյուարդից:
Հիշեցնենք, որ Լեւոն Արոնյանը Gibraltar Masters-ի գործող հաղթողն է: Նախորդ տարի հայ գրոսմայստերը եզրափակիչ թայ-բրեյքում ուժեղ էր գտնվել ֆրանսիացի Մաքսիմ Վաշյե-Լագրավից:
Մրցաշարի հաղթողը կստանա 25 հազար ֆունտ ստերլինգ: Գումարային պարգեւ կստանան 1-15-րդ տեղ գրաված շախմատիստները:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։