Արցախում կայանալիք չճանաչված երկրների Եվրոպայի առաջնության վիճակահանության արդյունքները (ֆոտո)
15:30 27 հունվարի, 2019Լեհաստանի Կրակով քաղաքում անցկացվել է չճանաչված երկրների Եվրոպայի առաջնության խմբային փուլի վիճակահանությունը, փոխանցում է Conifa-ի մամուլի ծառայությունը:
Արցախի հավաքականն A խմբում կմրցի Լուգանսկի ու Լապլանդիայի թիմերի հետ:
Հայաստանի ազգային հավաքականի նախկին ավագ Հարություն Վարդանյանի գլխավորությամբ հանդես եկող Արեւմտյան Հայաստանի հավաքականը հայտնվել է D խմբում, որտեղ կմրցի Հարավային Օսեթիայի եւ Սեկեյան երկրամասի հավաքականների հետ:
Հիշեցնենք, որ չճանաչված երկրների Եվրոպայի առաջնությունն անցկացվելու է հունիսի 5-14-ը Արցախում:
2018-ի հունիսին Արեւմտյան Հայաստանի հավաքականը Լոնդոնում մասնակցել էր չճանաչված երկրների աշխարհի առաջնությանը, որում հասել էր մինչեւ քառորդ եզրափակիչ եւ 0:4 հաշվով պարտվել Սեկեյան երկրամասի թիմին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։