Նաոմի Օսական կդառնա աշխարհի առաջին ռակետ՝ առաջինը ասիացիներից
16:45 26 հունվարի, 2019Թենիսի Ավստրալիայի բաց առաջնության կանանց մենախաղի չեմպիոնի տիղտոսը նվաճած Նաոմի Օսական հունվարի 28-ին կգլխավորի WTA-ի համաշխարհային դասակարգման աղյուսակը՝ շրջանցելով ռումինացի Սիմոնա Հալեպին:
21-ամյա մարզուհին կլինի աշխարհի առաջին ռակետ դարձած առաջին ճապոնացին, նաեւ ասիացին: Մեկ տարի առաջ Նաոմի Օսական աշխարհի 72-րդ ռակետն էր:
Հիշեցնենք, որ Օսական առաջին անգամ նվաճեց AusOpen-ի չեմպիոնի տիտղոսը: Եզրափակիչում նա երեք սեթում առավելության հասավ չեխ Պետրա Կվիտովայի նկատմամբ՝ 7:6 (7:2), 5:7, 6:4: Պայքարը տեւեց 2 ժամ 30 րոպե:
Օսական Ջենիֆեր Կապրիատիից հետո 18 տարում առաջին մարզուհին է, որին հաջողվում է «Մեծ սաղավարտում» առաջին անգամ տիտղոս նվաճելուց հետո հաղթել նաեւ շարքի հաջորդ մրցաշարում: Նաոմի Օսական 2018թ. ԱՄՆ-ի բաց առաջնության եզրափակիչում պարտության էր մատնել ամերիկացի Սերենա Ուիլյամսին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։