Ֆուտբոլի Անգլիայի գավաթի խաղարկության 1/16 եզրափակիչում «Մանչեսթեր Յունայթեդը» հյուրընկալվեց «Արսենալին»: Նորվեգացի Ուլե-Գունար Սուլշերի ղեկավարությամբ մանչեսթերյան թիմը հաղթանակ տարավ 3:1 հաշվով եւ անգլիական ակումբին դուրս թողեց պայքարից:
Հանդիպման հաշիվը 31-րդ րոպեին բացեց չիլիացի Ալեքսիս Սանչեսը, որը գրավեց իր նախկին թիմի դարպասը: Երկու րոպե անց աչքի ընկավ անգլիացի կիսապաշտպան Ջեսի Լինգարդը:
Մինչեւ ընդմիջում իսպանացի Ունաի Էմերիի գլխավորած թիմը գաբոնցի հարձակվող Պյեր-Էմերիկ Օբամեյանգի գոլի շնորհիվ կրճատեց հաշվի տարբերությունը, սակայն երկրորդ խաղակեսում զարգացնել հաջողությունը դաշտի տերերը չկարողացան, իսկ հյուրերը խփեցին նաեւ երրորդ գոլը: Ֆրանսիացի հարձակվող Անտոնի Մարտիալը գրավեց Պետր Չեխի պաշտպանած դարպասը:
Հիշեցնենք, որ Լոնդոնի «Արսենալի» եւ Հայաստանի հավաքականի կիսապաշտպան Հենրիխ Մխիթարյանն ապաքինվում է ոտքի կոտրվածքից հետո եւ հայտավորված չէր այս խաղին:
Պորտուգալացի Ժոզե Մոուրինյոյի հեռանալուց հետո «Մանչեսթեր Յունայթեդը» Սուլշերի ղեկավարությամբ տարավ 8-րդ անընդմեջ հաղթանակը, ինչը ռեկորդ է այս ակումբի մարզիչների համար նշանակվելուց հետո առաջին հանդիպումներում:
Անգլիայի Գավաթ, 1/16 եզրափակիչ
«Արսենալ» - «Մանչեսթեր Յունայթեդ»՝ 1:3 (տեսանյութ)
Պյեր-Էմերիկ Օբամեյանգ, 43 – Ալեքսիս Սանչես, 31, Ջեսի Լինգարդ, 33, Անտոնի Մարտիալ, 82
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։