Gibraltar Masters. Լեւոն Արոնյանի երկրորդ հաղթանակը
09:59 25 հունվարի, 2019Ջիբրալթարում անցկացվող Gibraltar Masters մրցաշարի (10 տուր) երրորդ տուրում հայկական շախմատի առաջատար Լեւոն Արոնյանը սպիտակ խաղաքարերով հաղթել է իսպանացի գրոսմայստեր Ֆերնանդո Խոսե Կուենկա Խիմենեսին: Նախորդ 2 տուրերում Արոնյանը հաղթել էր Ինդոնեզիան ներկայացնող կանանց գրոսմայստեր Իրինե Սուկանդերին ու ոչ ոքի խաղացել ուկրաինուհի Մարիա Մուզիչուկի հետ:
Չորրորդ տուրում հայ գրոսմայստերը սպիտակներով ուժերը կչափի 5 առաջատարների թվում գտնվող իրանցի շախմատիստուհի Սարասադատ Հադեմալշարեհի հետ:
Հայաստանի մյուս ներկայացուցիչներից Հրանտ Մելքումյանը երրորդ տուրում սպիտակներով ոչ ոքի է խաղացել իսպանացի գրոսմայստեր Ռուիզ Սանթոսի հետ, իսկ կանանց Հայաստանի հավաքականի առաջատար Էլինա Դանիելյանը սեւերով պարտվել է ֆրանսիացի Սեբաստիան Մազեին:
Հիշեցնենք, որ Լեւոն Արոնյանը Gibraltar Masters-ի գործող հաղթողն է: Նախորդ տարի հայ գրոսմայստերը եզրափակիչ թայ-բրեյքում ուժեղ էր գտնվել ֆրանսիացի Մաքսիմ Վաշյե-Լագրավից:
Մրցաշարի հաղթողը կստանա 25 հազար ֆունտ ստերլինգ: Գումարային պարգեւ կստանան 1-15-րդ տեղ գրաված շախմատիստները:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։