Gibraltar Masters. Լեւոն Արոնյանի, Հրանտ Մելքումյանի ու Էլինա Դանիելյանի երրորդ մրցակիցները
13:08 24 հունվարի, 2019Ջիբրալթարում անցկացվող Gibraltar Masters մրցաշարի (10 տուր) երրորդ տուրում հայկական շախմատի առաջատար Լեւոն Արոնյանը սպիտաներով կմրցի իսպանացի գրոսմայստեր Ֆերնանդո Խոսե Կուենկա Խիմենեսի հետ: Նախորդ 2 տուրերում Արոնյանը հաղթել էր Ինդոնեզիան ներկայացնող կանանց գրոսմայստեր Իրինե Սուկանդերին ու ոչ ոքի խաղացել ուկրաինուհի Մարիա Մուզիչուկի հետ:
Հայաստանի մյուս ներկայացուցիչներից Հրանտ Մելքումյանը երրորդ տուրում սպիտակներով կխաղա իսպանացի գրոսմայստեր Ռուիզ Սանթոսի հետ, իսկ կանանց Հայաստանի հավաքականի առաջատար Էլինա Դանիելյանի մրցակիցը կլինի ֆրանսիացի Սեբաստիան Մազեն: Մելքումյանը 2 միավորով առաջատարների թվում է, իսկ Դանիելյանն ունի 1.5 միավոր:
Տուրի բոլոր պարտիաները կսկսվեն Երեւանի ժամանակով 18:00-ին:
Հիշեցնենք, որ Լեւոն Արոնյանը Gibraltar Masters-ի գործող հաղթողն է: Նախորդ տարի հայ գրոսմայստերը եզրափակիչ թայ-բրեյքում ուժեղ էր գտնվել ֆրանսիացի Մաքսիմ Վաշյե-Լագրավից:
Մրցաշարի հաղթողը կստանա 25 հազար ֆունտ ստերլինգ: Գումարային պարգեւ կստանան 1-15-րդ տեղ գրաված շախմատիստները:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։