Ֆուտբոլի Հայաստանի ազգային հավաքականի հարձակվող Տիգրան Բարսեղյանը մոտ է ղազախական «Կայսար» տեղափոխվելուն, փոխանցում է ակումբի մամուլի ծառայությունը:
Մակեդոնական «Վարդարից» հեռացած 25-ամյա ֆուտբոլիստը փորձաշրջան է անցնում «Կայսարում», որն այս օրերին հավաք է անցկացնում թուրքական Անթալիայում:
Տիգրան Բարսեղյանը 2016 թվականից հանդես էր գալիս «Վարդարում», որի կազմը 2018-ի վերջնամասում լքել էր սեփական նախաձեռնությամբ: Դրանից հետո նա վերադարձել էր Հայաստան եւ մարզվում էր իր նախկին ակումբ «Գանձասար-Կապանի» հետ:
«Վարդարի» կազմում հայ հարձակվողն անցկացրել է 68 հանդիպում, դարձել 22 գոլի եւ 11 գոլային փոխանցման հեղինակ:
Ղազախստանի ավարտված առաջնությունում «Կայսարը» զբաղեցրել է 5-րդ տեղը:
#кызылорда #спорт Форвард сборной Армении близок к переходу в казахстанский клуб https://t.co/7By2Q9Aeya
— ФК Кайсар (@fckaysarkz) January 23, 2019
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։