Դենիս Սուարեսի տրանսֆերը «Բարսելոնայից» «Արսենալ» փակուղի է մտել
17:39 23 հունվարի, 2019«Բարսելոնայի» կիսապաշտպան Դենիս Սուարեսի տեղափոխության բանակցությունները Լոնդոնի «Արսենալի» հետ մտել են փակուղի: Անգլիական ակումբը ցանկանում է մինչեւ մրցաշրջանի ավարտը վարձակալել ֆուտբոլիստին, իսկ «Բարսելոնան» պահանջում է պայմանգրում ներառել ամռանը տրանսֆերը գնելու պարտադիր պայման, հաղորդում է ESPN-ը: Դենիս Սուարեսը տվել է իր համաձայնությունը կարիերան շարունակել «Արսենալում»:
Իսպանիայի ընթացիկ առաջնությունոմ 25-ամյա խաղացողը մասնակցել է ընդամենը երկու հանդիպման, արդյունավետ գործողություններով աչքի չի ընկել:
«Արսենալի» իսպանացի գլխավոր մարզիչ Ունաի Էմերին հայտարարել էր, որ ձմեռային տրանսֆերային պատուհանի համար ակումբի ղեկավարությունը գումար չի հատկացրել, հնարավոր են միայն խաղացողների վարձակալություններ:
Սուարեսի պայմանագիրը կատալոնական ակումբի հետ նախատեսված է մինչեւ 2020 թվականը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։