Australian Open. Սերենա Ուիլյամսը տուն է վերադառնում, Պլիշկովայի անհավանական «քամբեքը»

Կանանց աշխարհի 15-րդ ռակետ Սերենա Ուիլյամսը չկարողացավ հաղթահարել Մելբուրնում ընթացող թենիսի Ավստրալիայի բաց առաջնության քառորդ եզրափակիչի արգելքը:

5-րդ շրջանում 37-ամյա ամերիկուհին 3 սեթում պարտվեց աշխարհի 8-րդ ռակետ, չեխ Կարոլինա Պլիշկովային՝ 4:6, 6:4, 5:7: Մրցախաղը տեւեց 2 ժամ 10 րոպե: Ընդ որում՝ երրորդ սեթում Սերենան հաղթում էր 5:1 հաշվով, սակայն Պլիշկովան դարձավ անհավանական «քամբեքի» հեղինակ:

Կիսաեզրափակիչում Կարոլինա Պլիշկովան կմրցի ճապոնացի Նաոմի Օսակայի հետ, որը 6:4, 6:1 հաշվով հաղթեց ուկրաինացի Էլինա Սվիտոլինային:

Հիշեցնենք, որ կանանց մենախաղի կիսաեզրափակիչի առաջին զույգը կազմել էին չեխ Պետրա Կվիտովան ու ամերիկացի Դանիել Քոլինզը: Australian Open-ի չեմպիոնական տիտղոսն այս տարի չէր կարողացել պաշտպանել դանիացի Կարոլին Վոզնյացկին, որը երրորդ շրջանում պարտվել էր ռուս Մարիա Շարապովային: Նախորդ մրցաշարի եզրափակիչում Վոզնյացկին հաղթել էր աշխարհի առաջին ռակետ Սիմոնա Հալեպին:

Karolina Pliskova on coming back from 1-5 down and saving four match points:

"It's the best comeback ever so far in my life."#AusOpen pic.twitter.com/Dke1kwf9Nb

— #AusOpen (@AustralianOpen) January 23, 2019