Վալվերդե. Իմ օրոք «Բարսելոնայի» բոլոր տրանսֆերները հակասական են թվում
00:40 23 հունվարի, 2019«Բարսելոնայի» գլխավոր մարզիչ Էռնեստո Վալվերդեն անդրադարձել է իտալական «Սասուոլոյից» գանացի կիսապաշտպան Կեւին-Պրինս Բոատենգի տրանսֆերին:
«Իմ օրոք «Բարսելոնայում» տեղի ունեցած բոլոր տրանսֆերները հակասական են թվում, սակայն հետագայում տալիս են արդյունք: Կարծում եմ՝ Բոատենգին անհրաժեշտ չէ ժամանակ հարմարվելու համար: Նա պատրաստ է անմիջապես դուրս գալ խաղադաշտ եւ տալ օգուտ: Նա կարող է լինել եւ հարձակվող, եւ կենտրոնական կիսապաշտպան»,- Վալվերդեի խոսքը մեջբերում է Mundo Deportivo-ն:
Հիշեցնենք, որ կատալոնական ակումբը մինչեւ այս մրցաշրջանի ավարտը 2 միլիոն եվրոյով վարձակալել է 31-ամյա ֆուտբոլիստին: Մրցաշրջանի վերջում «Բարսելոնան» հնարավորություն կունենա 8 միլիոնով գնել Բոատենգի տրանսֆերային իրավունքը:
Գանացի կիսապաշտպանը 2018-ին Ֆրանկֆուրտի «Այնտրախտից» էր տեղափոխվել «Սասուոլո», որի կազմում մասնակցել է Իտալիայի ընթացիկ առաջնության 13 խաղի եւ դարձել 4 գոլի հեղինակ: Իսպանիայում նա 2016-2017-ը հանդես է եկել «Լաս Պալմասում»:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.