«Բարսելոնայի» նորեկ. Ցանկանում եմ «Ռեալին» գոլ խփել «Սանտյագո Բերնաբեուում»
11:42 22 հունվարի, 2019Իտալական «Սասուոլոյից» «Բարսելոնա» տեղափոխված գանացի կիսապաշտպան Կեւին-Պրինս Բոատենգը պատմել է տպավորությունների մասին:
«Ինձ համար տխուր է, որ հեռանում եմ «Սասուոլոյից», սակայն դա հրաշալի հնարավորություն է: Մի հարցրեք ինձ «Ռեալի» մասին: Ցանկանում եմ կենտրոնանալ «Բարսելոնայում» ելույթների վրա, եւ հաջորդ Սուպերկլասիկոյում գոլ խփել «Սանտյագո Բերնաբեուում»,- Բոատենգի խոսքը մեջբերում է Sky Sport Italia-ն:
Հիշեցնենք, որ կատալոնական ակումբը մինչեւ այս մրցաշրջանի ավարտը 2 միլիոն եվրոյով վարձակալել է 31-ամյա ֆուտբոլիստին: Մրցաշրջանի վերջում «Բարսելոնան» հնարավորություն կունենա 8 միլիոնով գնել Բոատենգի տրանսֆերային իրավունքը:
Գանացի կիսապաշտպանը 2018-ին Ֆրանկֆուրտի «Այնտրատից» էր տեղափոխվել «Սասուոլո», որի կազմում մասնակցել է Իտալիայի ընթացիկ առաջնության 13 խաղի եւ դարձել 4 գոլի հեղինակ: Իսպանիայում նա 2016-2017-ը հանդես է եկել «Լաս Պալմասում»:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։