Իբրահիմովիչ. Հիմա տեսնում ենք երջանիկ Պոգբայի
23:44 21 հունվարի, 2019Ամերիկյան «Լոս Անջելես Գելաքսիի» շվեդ հարձակվող Զլատան Իբրահիմովիչն անդրադարձել է նախկին ակումբակից, «Մանչեսթեր Յունայթեդի» եւ աշխարհի չեմպիոն Ֆրանսիայի հավաքականի կիսապաշտպան Պոլ Պոգբայի եւ մանչեսթերյան թիմի նախկին գլխավոր մարզիչ, պորտուգալացի Ժոզե Մոուրինյոյի հարաբերություններին ակումբում:
«Կան խաղացողներ, որոնց ամբողջովին դրսեւորվելու համար անհրաժեշտ է ազատություն: Անկասկած, Մոուրինյոն ունի իր մարտավարությունն ու ֆուտբոլի վերաբերյալ պատկերացումները, բայց կան նաեւ խաղացողներ, որոնք դուրս են այդ սահմաններից:
Կարծում եմ՝ այդպիսի ֆուտբոլիստներից է Պոգբան: Նա եւ Մոուրինյոն չէին զգում վստահություն իրար նկատմամբ: Դժվար է խաղալ այդպիսի պայմաններում: Բայց այդպիսի իրավիճակներ լինում են, դա էլ խաղի մի մասն է: Ոչ բոլորն են կարողանում աշխատել միասին եւ գտնել փոխհամաձայնություն: Հիմա մենք տեսնում են այլ, երջանիկ Պոգբայի: Նա ստացել է անհրաժեշտ ազատությունը»,- Իբրահիմովիչի խոսքը մեջբերում է ESPN-ը:
Հիշեցնենք, որ Մոուրինյոյի հեռանալուց հետո «Մանչեսթեր Յունայթեդը» նորվեգացի Ուլե-Գունար Սուլշերի ղեկավարությամբ 6 անընդմեջ հաղթանակ է տարել Պրեմյեր լիգայում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։