Բելառուս մարզիկը դոպինգ է ընդունել Լոնդոնի Օլիմպիական խաղերում

Լոնդոնի Օլիմպիական խաղերին մասնակցած բելառուս մարզիկի արյան մեջ արգելված խթանիչներ են հայտնաբերվել: Մարզիկի անունը չի հրապարակվել, սակայն հայտնի է, որ խոսքն օլիմպիական մեդալակրի մասին չէ, գրում է belapan.com-ը:

Հիշեցնենք, որ սա արդեն երկրորդ դեպքն է, երբ Բելառուսի ներկայացուցիչի դոպինգ թեստի պատասխանը դրական է լինում: Օրեր առաջ Լոնդոնի Օլիմպիական խաղերի աթլետիկայի գնդի հրման կանանց մրցումներում ոսկե մեդալ նվաճած բելառուս Նադեժդա Օստապչուկը որակազրկվել էր՝ զրկվելով իր տիտղոսից: Նրա արյան մեջ հայտնաբերվել է մեթալոն:

30-րդ Օլիմպիական խաղերին Բելառուսի պատվիրկությունը ներկայացել է 173 մարզիկներով: