Մեսին դուրս եկավ փոխարինման եւ օգնեց «Բարսելոնային» հաղթել (տեսանյութ)

Իսպանական Պրիմերայի 20-րդ տուրում առաջատար «Բարսելոնան» ընդունեց «Լեգանեսին» եւ առավելության հասավ 3:1 հաշվով (տեսանյութ):

«Բարսելոնայի» արգենտինացի հարձակվող Լիոնել Մեսին խաղը սկսել էր պահեստայինների նստարանից եւ փոխարինման դուրս եկավ 64-րդ րոպեին, երբ հաշիվը 1:1 էր: Դրանից 7 րոպե անց դաշտի տերերը դարձյալ առաջ անցան հաշվի մեջ, իսկ խաղի վերջակետն ավելացված ժամանակում դրեց հենց Մեսին: Արգենտինացի հարձակվողը 18 գոլով գլխավորում է ռմբարկուների ցուցակը, իսկ նրա ակումբակից Լուիս Սուարեսը գոլերի թիվը հասցրեց 15-ի:

31-ամյա Սուարեսը 167-րդ գոլը խփեց «Բարսելոնայում» եւ ընդգրկվեց ակումբի պատմության լավագույն ռմբարկուների առաջին հնգյակում:

Այս հաղթանակից հետո կատալոնական ակումբը վաստակեց 46 միավոր եւ 5 միավոր առաջ անցավ երկրորդ տեղում գտնվող Մադրիդի «Աթլետիկոյից»: Մադրիդի «Ռեալը» 36 միավորով եզրափակում է լավագույն եռյակը:

Իսպանիայի առաջնություն, 20-րդ տուր

«Բարսելոնա» - «Լեգանես»՝ 3:1

Ուսման Դեմբելե, 32, Լուիս Սուարես, 71, Լիոնել Մեսի, 90+2 – Մարտին Բրեթվեյթ, 57

@LuisSuarez9 is now in the 5⃣ of Barça's all-time scorers! Congrats, Luis!

Leo Messi 5⃣7⃣6⃣
César 2⃣3⃣2⃣
Kubala 1⃣9⃣4⃣
Samitier 1⃣8⃣4⃣
Luis Suárez 1⃣6⃣7⃣
Escolà 1⃣6⃣7⃣

#ForçaBarça pic.twitter.com/CAuupwE9ic

— FC Barcelona (@FCBarcelona) January 20, 2019