Պոգբա. Սուլշերը վերադարձել է Ֆերգյուսոնի ժամանակները
13:08 19 հունվարի, 2019«Մանչեսթեր Յունայթեդի» եւ աշխարհի չեմպիոն Ֆրանսիայի հավաքականի կիսապաշտպան Պոլ Պոգբան պատմել է գլխավոր մարզիչի պաշտոնակատար, նորվեգացի Ուլե-Գունար Սուլշերի ղեկավարությամբ անգլիական թիմում տիրող մթնոլորտի մասին:
«Սուլշերի համար «Մանչեսթեր Յունայթեդը» հարազատ տուն է: Նա ամեն ինչ գիտի: Նրա համար առանձնապես ոչինչ չի փոխվել: Սուլշերը վերադարձել է Ֆերգյուսոնի ժամանակները: Մարզումներն ու աշխատանքը գնդակի հետ մնացել են նույնը: Նա միշտ եղել է շատ ժպտերես եւ խաղացողներին մոտ կանգնած մարզիչ: Սուլշերը միշտ հասկացել է խաղացողներին: Հիմա նրա նկատմամբ հարգանքը մեծացել է, բայց նա մնացել է նույն մարդը: Կարծում եմ՝ մենք կկարողանանք առաջնությունն ավարտել լավագույն քառյակում: Գիտենք, որ դա հնարավոր է»,- Պոգբայի խոսքը մեջբերում է Goal.com-ը:
Անգլիայի առաջնության 23-րդ տուրում «Մանչեսթեր Յունայթեդը» հունվարի 19-ին կընդունի «Բրայթոնին»: Խաղը կմեկնարկի Երեւանի ժամանակով 19:00-ին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։