Australian Open. Կարեն Խաչանովը պարտություն կրեց, Նադալը երրորդ հաղթանակը տարավ

14:38   18 հունվարի, 2019

Աշխարհի 11-րդ ռակետ, Ռուսաստանի ուժեղագույն թենիսիստ Կարեն Խաչանովը դուրս մնաց Մելբուրնում անցկացվող թենիսի Ավստրալիայի բաց առաջնությունից:

Երրորդ շրջանում հայ մարզիկը 3 սեթում պարտվեց իսպանացի Ռոբերտո Բաուտիստա-Ագուտին, որը պայքարից դուրս էր թողել նաեւ բրիտանացի Էնդի Մարեյին: 2 ժամ 10 րոպե տեւած մրցախաղում մոսկվացի 22-ամյա թենիսիստը պարտվեց 4:6, 5:7, 4:6 հաշվով:

Աշխարհի երկրորդ ռակետ, իսպանացի Ռաֆայել Նադալը 6:1, 6:2, 6:4 հաշվով հաղթեց Ալեքս դե Մորին (Ավստրալիա): 1/8 եզրափակիչում Նադալը կխաղա չեխ Տոմաշ Բերդիխի հետ:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։