Իսպանիայի Գավաթ. «Բարսելոնային» սպառնում է որակազրկում
19:45 17 հունվարի, 2019«Բարսելոնայի» սպառնում է որակազրկում Իսպանիայի գավաթի ընթացիկ խաղարկությունում: «Լեւանտեի» դեմ 1/8 եզրափակիչի առաջին հանդիպմանը կատալոնական թիմի կազմում մասնակցել է որակազրկված ֆուտբոլիստ, հաղորդում է El Mundo-ն:
«Բարսելոնայի» երկրորդ թիմի խաղացող, պաշտպան Խուան Մովիլյան «Լեւանտեի» դեմ առաջին խաղում հանդես է եկել 58 րոպե: Նա որակազրկումը ստացել է երկրորդ թիմում եւ իրավունք չի ունեցել մասնակցել նաեւ գլխավոր թիմի հանդիպմանը: Այդ խաղում «Բարսելոնան» «Լեւանտեին» պարտվել էր 1:2 հաշվով:
Հիշեցնենք, որ 2015թ. դեկտեմբերին Մադրիդի «Ռեալը» որակազրկվել էր Իսպանիայի գավաթի խաղարկությունից կիսապաշտպան Դենիս Չերիշեւի մասնակցության համար: Նա դեղին քարտերի քանակի պատճառով էր որակազրկված եղել եւ իրավունք չէր ունեցել մասնակցել «Կադիսի» դեմ 1/16 եզրափակիչի առաջին հանդիպմանը (3:1):
«Բարսելոնա» - «Լեւանտե» պատասխան հանդիպումը տեղի կունենա հունվարի 17-ին:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.