Football Leaks-ի ենթադրյալ հիմնադիր, 30-ամյա պորտուգալացի Ռուի Պինտուն ձերբակալվել է Հունգարիայի մայրաքաղաք Բուդապեշտում: Մեկ ամսվա ընթացքում նա կարտահանձնվի Պորտուգալիայի իրավապահներին:
Ենթադրվում է, որ ցանցահենը զբաղվում էր ֆուտբոլային ակումբների տվյալների բազաների ներթափանցմամբ եւ փաստաթղթերի հրապարակմամբ: Ռուի Պինտուն մեղադրվում է մասնավորապես պորտուգալական «Բենֆիկայի» էլեկտրոնային փաստաթղթերի գողության համար, հաղորդում է Sabado-ն: Նրան Պորտուգալիայում սպառնում է մինչեւ 10 տարվա ազատազրկում:
Football Leaks-ը ֆուտբոլային փաստաթղթերի գողությամբ եւ հրապարակումներով զբաղվում է 2015 թվականից:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։