AusOpen. Սերենա Ուիլյամսը խնդիրներ չունեցավ, առաջին ռակետը բարդ հաղթանակ տարավ
16:07 17 հունվարի, 2019Աշխարհի առաջին ռակետ Սիմոնա Հալեպը Մելբուրնում ընթացող թենիսի Ավստրալիայի բաց առաջնության երկրորդ շրջանում 6:3, 6:7, 6:4 հաշվով դժվարին հաղթանակ տարավ ամերիկուհի Սոֆիա Քենինի նկատմամբ եւ դուրս եկավ հաջորդ փուլ։ Մրցախաղը տեւեց 2 ժամ 31 րոպե։
Երրորդ շրջանում ռումինացի թենիսիստուհին կմրցի ամերիկացի Վինուս Ուիլյամսի հետ։
Աշխարհի նախկին առաջին ռակետ Սերենա Ուիլյամսը 6:2, 6:2 հաշվով հաղթեց կանադացի Էժենի Բուշարին: Սերենայի հաջորդ մրցակիցը կլինի ուկրաինացի Դայանա Յաստրմեսկան։
Հիշեցնենք, որ Australian Open-ի նախորդ մրցաշարի եզրափակիչում Սիմոնա Հալեպը պարտվել էր դանիացի Կարոլին Վոզնյացկուն: Տղամարդկանց մենախաղի գործող չեմպիոնն է Ռոջեր Ֆեդերերը, որը մեկնարկել էր ուզբեկ Դենիս Իստոմինի նկատմամբ հաղթանակով:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։