Հեռացատկի Եվրոպայի չեմպիոն, Եվրոպայի ռեկորդակիր, Հայաստանի աթլետիկայի ֆեդերացիայի նախագահ Ռոբերտ Էմմիյանը Նիկոլ Փաշինյանին շնորհավորել է Հայաստանի վարչապետի պաշտոնում նշանակվելու կապակցությամբ:
«Մեծարգո՛ վարչապետ, Ազգային ժողովի հարգարժա՛ն նախագահ, նորընտի՛ր պատգամավորներ.
Շնորհավորում եմ ընտրություններում ձեռք բերած հաղթանակի կապակցությամբ: Ձեզանից յուրաքանչյուրը գիտակցաբար իր վրա է վերցրել աշխարհի՝ մեր երկրին ուղղված մարտահրավերներին դիմակայելու, ճիշտ կողմնորոշվելու, համայն հայության վստահությունը արդարացնելու պատասխանատվությունը:
Համոզված եմ, որ երիտասարդ պատգամավորների եռանդի, ստեղծագործական ձիրքի և փորձառու պատգամավորների խելամտության ներդաշնակ համագործակցությունը մեր երկիրը կդարձնեն բարեկեցիկ, և յուրաքանչյուր քաղաքացի կապրի արժանապատիվ կյանքով:
Մեծարգո՛ վարչապետ, ընտրությունը ցույց տվեց, որ Դուք մենակ չեք... Այսօր Ձեր հերթն է: Հաջողություն եմ մաղթում Ձեզ և մեզ գալիք հաղթանակների ճանապարհին»,- ֆեյսբուքյան էջում գրել է Ռոբերտ Էմմիյանը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։