«Տոտենհեմը» կփորձի այս ամիս ձեռք բերել «Բարսելոնայի» հարձակվողին
23:12 15 հունվարի, 2019Լոնդոնի «Տոտենհեմը» կփորձի այս ամիս «Բարսելոնայից» գնել կամ վարձակալել 21-ամյա բրազիլացի հարձակվող Մալքոմին, հաղորդում է Daily Star-ը:
Անգլիական ակումբը հարձակվող Հարի Քեյնի վնասվածքից հետո ստիպված է համալրել հարձակման գիծը, քանի որ անգլիացի ֆուտբոլիստի վերադարձը լավագույն մարզավիճակին սպասվում է մարտի վերջին: «Տոտենհեմի» հարավկորեացի հարձակվող Սոն Հին Մինն էլ այժմ մասնակցում է Ասիայի գավաթի խաղարկությանը:
Իսպանիայի ընթացիկ առաջնությունում Մալքոմը մասնակցել է հինգ հանդիպման, գոլով կամ գոլային փոխանցմամբ աչքի չի ընկել: Նշվում է, որ «Բարսելոնան» դեմ չէ Մալքոմի տեղափոխությանը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։