«Տոտենհեմ». Հարի Քեյնը մարզումները կվերսկսի մարտին
22:04 15 հունվարի, 2019«Տոտենհեմի» անգլիացի հարձակվող Հարի Քեյնը մարզումները կվերսկսի մարտին, հաղորդում է լոնդոնյան ակումբի պաշտոնական կայքը: Պաշտոնական հաստատում է ստացել, որ 25-ամյա ֆուտբոլիստը «Մանչեսթեր Յունայթեդի» դեմ Անգլիայի առաջնության 22-րդ տուրի խաղում ստացել է ձախ ոտքի վնասվածք:
Ընթացիկ մրցաշրջանում Քեյնը «Տոտենհեմի» կազմում անցկացրել է 31 հանդիպում, դարձել 20 գոլի ու 6 գոլային փոխանցման հեղինակ: Նա լոնդոնյան ակումբի պատմության առաջին ֆուտբոլիստն է, որը նվազագույնը 20 գոլ է խփում 5 մրցաշրջաններում անընդմեջ: Անգլիացին 20 գոլի սահմանագիծը հատել էր նաեւ 2014/15 (31 գոլ), 2015/16 (28), 2016/17 (35) եւ 2017/18 (41) մրցաշրջաններում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։