Մոուրինյո. Շնորհավորում եմ Չեխին այդպիսի զարմանալի կարիերայի կապակցությամբ
21:05 15 հունվարի, 2019Լոնդոնի «Չելսիի» նախկին գլխավոր մարզիչ Ժոզե Մոուրինյոն շնորհավորել է «Արսենալի» դարպասապահ Պետր Չեխին զարմանալի կարիերայի կապակցությամբ: 36-ամյա ֆուտբոլիստը հունվարի 15-ին հայտարարել է, որ այս մրցաշրջանից հետո կավարտի կարիերան: Չեխն ու Մոուրինյոն միասին աշխատել են «Չելսիում»:
«Մեծ պատիվ էր լինել գլխավոր մարզիչ, որն այդքան վաղ տարիքում Չեխին հանձնեց առաջին համարի խաղաշապիկը: Այդ պահից նա իր մրցելույթներով, պրոֆեսիոնալիզմով, տիտղոսներով մշտապես հաստատել է իր իրավունքն այդ խաղաշապիկին:
Ֆուտբոլի համար մեծ կորուստ է Չեխի հեռանալը, բայց պատմությունը հնարավոր չէ ջնջել: Ես շնորհավորում եմ Չեխին այդպիսի զարմանալի կարիերայի կապակցությամբ»,- պորտուգալացի մարզիչի խոսքը մեջբերում է Sky Sports-ը:
Մոուրինյոն Չեխի հետ «Չելսիում» աշխատել է 2004-2007 եւ 2013-2015 թվականներին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։