Լոնդոնի «Արսենալի» կիսապաշտպան Հենրիխ Մխիթարյանն արժանին է մատուցել ակումբակից, չեխ դարպասապահ Պետեր Չեխին, որը հայտարարել է այս մրցաշրջանից հետո կարիերան ավարտելու մասին:
Հայաստանի հավաքականի ավագը Ինստագրամում հրապարակել է լուսանկար 36-ամյա Չեխի հետ՝ գրառելով. «Լեգենդ»:
Սա Պետր Չեխի կարիերայի 20-րդ մրցաշրջանն է պրոֆեսիոնալ ֆուտբոլիստի կարգավիճակում: Նա 2015-ից է հանդես գալիս «Արսենալում», իսկ դրանից առաջ 11 տարի խաղացել է «Չելսիում»: Դարպասապահը հանդես է եկել նաեւ չեխական «Խմելում», Պրահայի «Սպարտայում» եւ ֆրանսիական «Ռենում»:
Պետր Չեխը Անգլիայի քառակի չեմպիոն է, 5 անգամ դարձել է Անգլիայի գավաթակիր, 3 անգամ հաղթել Անգլիական լիգայի գավաթում եւ մեկական տիտղոս նվաճել Չեմպիոնների լիգայում ու Եվրոպայի լիգայում:
Չեխիայի ազգային հավաքականի կազմում դարպասապահը 2002-2016-ն անցկացրել է 124 հանդիպում, իսկ 2004-ին դարձել Եվրոպայի առաջնության բրոնզե մեդալակիր: Նա ազգային թիմում ամենաշատ հանդիպում անցկացրած ֆուտբոլիստն է:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։