Դավիդ Սիլվան ռեկորդ է սահմանել «Մանչեսթեր Սիթիում»
16:42 15 հունվարի, 2019Իսպանացի կիսապաշտպան Դավիդ Սիլվան դարձել է «Մանչեսթեր Սիթիի» կազմում Պրեմյեր լիգայում ամենաշատ հանդիպում անցկացրած ֆուտբոլիստը: Մասնակցելով «Վուլվերհեմփթոնի» դեմ Անգլիայի առաջնության 22-րդ տուրի խաղին՝ նա մանչեսթերյան ակումբի կազմում 267-րդ հանդիպումն է անցկացրել Պրեմյեր լիգայում: Դա ռեկորդային ցուցանիշ է ակումբի պատմության մեջ:
33-ամյա Սիլվան 2010 թվականից է խաղում «Մանչեսթեր Սիթիում», որի կազմում 3 անգամ դարձել է Անգլիայի չեմպիոն, նվաճել Անգլիայի գավաթը, 3 անգամ դարձել Անգլիական լիգայի գավաթակիր եւ 2 անգամ հռչակվել երկրի սուպերգավաթակիր: Անգլիայի ընթացիկ առաջնությունում իսպանացին մասնակցել է 17 հանդիպման, դարձել 6 գոլի ու 2 գոլային փոխանցման հեղինակ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։