Սամվել Խաչատրյան. Եթե պահանջեն իմ հրաժարականը, ես հիմնավորումներ կպահանջեմ
13:13 16 օգոստոսի, 2012Եթե մասնագետներն ու սպորտի ղեկավարները, ՀԱՕԿ-ի նախագահը, ֆեդերացիայի անդամները եւ նախարարությունը պահանջեն իմ հրաժարականը՝ ես հրաժարական կտամ, օգոստոսի 16-ին ընթացող մամուլի ասուլիսում հայտարարեց Հայաստանի ծանրամարտի ֆեդերացիայի նախագահ Սամվել Խաչատրյանը:
«Եթե մասնագետներն ու սպորտի ղեկավարները, ՀԱՕԿ-ի նախագահը, ֆեդերացիայի անդամները եւ նախարարությունը պահանջեն իմ հրաժարականը՝ ես հրաժարական կտամ: Սակայն պահանջելու եմ հիմնավորումներ, թե ես որ հատվածում եմ թերացել»,- նշել է Խաչատրյանը:
NEWS.am Sport-ի թղթակցի հարցին, թե ինչու հրաժարական չի տալիս Հայաստանի ծանրամարտի ֆեդերացիայի նախագահը, Սամվել Խաչատրյանը պատասխանեց.
«Ես ընտրված անձ եմ, ընտրված նախագահ: Սեպտեմբերին լինելու է Հայաստանի ծանրամարտի ֆեդերացիայի արտահերթ նիստը: Եթե նիստը պահանջի ծանրամարտի ֆեդերացիայի նախագահի հրաժարականը՝ ես կտամ հրաժարական: Բայց ես պահանջելու եմ ասեն, թե ծանրամարտի ֆեդերացիան որտեղ է թերացել, ինչ ուզել եմ, ինչ դիմել եմ, ամեն ինչ արվել է մեր մարզիկների համար: Արդեն մեկ տարի է մեր մարզիկները շատ բարձր աշխատավարձ են ստանում: Թերացում, որպես այդպիսին չկա, ոչ ՀԱՕԿ-ի կողմից, ոչ նախարարության, ոչ էլ ֆեդերացիայի կողմից»,- նշեց Խաչատրյանը:
Պատրաստեց Լուսինե Շահբազյանը
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.