Անգլիայի առաջնության 22-րդ տուրի վերջին խաղում չեմպիոն «Մանչեսթեր Սիթին» տանը մրցեց «Վուլվերհեմփթոնի» հետ եւ առավելության հասավ 3:0 հաշվով: Կատալոնացի Խոսեպ Գվարդիոլայի գլխավորած թիմին հաղթանակ բերեց բրազիլացի հարձակվող Գաբրիել Ժեզուսի դուբլը: Եվս մեկ գոլ գրանցվեց «Մանչեսթեր Սիթիի» բելգիացի կիսապաշտպան Կեւին Դե Բրույնեի փոխանցումից հետո հյուրերի անգլիացի պաշտպան Քոնոր Քոդիի ինքնագոլի պատճառով:
Հյուրերը 19-րդ րոպեից հանդես էին գալիս 10 ֆուտբոլիստներով: Պորտուգալացի կիսապաշտպան Բեռնարդու Սիլվայի դեմ կոպիտ սահանկման համար կարմիր քարտ ստացավ ֆրանսիացի պաշտպան Վիյի Բոլին:
«Մանչեսթեր Սիթին» 53 միավորով երկրորդ տեղում է եւ առաջատար «Լիվերպուլից» հետ է 4 միավոր: «Վուլվերհեմփթոնը» 29 միավորով 11-րդն է:
Անգլիայի առաջնություն, 22-րդ տուր
«Մանչեսթեր Սիթի» - «Վուլվերհեմփթոն»՝ 3:0 (տեսանյութ)
Գաբրիել Ժեզուս, 10, 39, 11մ, Քոնոր Քոդի, 78, ինքնագոլ
Հեռացում՝ Վիյի Բոլի («Վուլվերհեմփթոն»), 19
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։