ՈւԵՖԱ-ն Մյուլերին 2 խաղով որակազրկեց կարատեի հնարքի համար

ՈւԵՖԱ-ն եվրագավաթների 2 խաղով որակազրկել է Մյունխենի «Բավարիայի» գերմանացի կիսապաշտպան Թոմաս Մյուլերին, որը կարմիր քարտ էր ստացել Ամստերդամի «Այաքսի» դեմ Չեմպիոնների լիգայի խմբային փուլի վերջին՝ 6-րդ տուրի խաղում (3:3): 75-րդ րոպեին գերմանացի ֆուտբոլիստը կարատեի հնարքով տապալել էր «Այաքսի» արգենտինացի պաշտպան Նիկոլաս Տալյաֆիկոյին եւ հեռացվել դաշտից:

Այսպիսով, 29-ամյա Մյուլերը չի մասնակցի անգլիական «Լիվերպուլի» դեմ Չեմպիոնների լիգայի 1/8 եզրափակիչի խաղերին:

«Բավարիան» պաշտոնապես հայտարարել է, որ բողոքարկելու է գերմանացի կիսապաշտպանի որակազրկումը:

.@esmuellert_ ist nach seinem Platzverweis im letzten Spiel der @ChampionsLeague-Gruppenphase für zwei Spiele gesperrt worden. Der #FCBayern wird bei der UEFA Berufung einlegen.https://t.co/pgxZE9ruEH

— FC Bayern München (@FCBayern) January 11, 2019