«Матч ТВ»-ի մեկնաբան. Ունաի Էմերին ասաց, որ Հենրիխ Մխիթարյանը շատ է պետք թիմին
11:32 11 հունվարի, 2019«Матч ТВ» հեռուստաալիքի ֆուտբոլային մեկնաբան Տիմուր Ժուրավելը եղել է Լոնդոնի «Արսենալի» մարզաբազայում եւ հանդիպել Հայաստանի հավաքականի 29-ամյա կիսապաշտպան Հենրիխ Մխիթարյանի հետ: Այդ մասին ռուս մեկնաբանը գրել է թվիթերյան էջում:
«Այսօր «Արսենալի» մարզաբազայում զրուցեցի Հենրիխի հետ: Մեզ մոտով անցնում էր Էմերին եւ ասաց՝ սպասում ենք քո վերադարձին, դու շատ ես պետք մեզ: Վստահ եմ, որ «Զենիթի» վերաբերյալ տեղեկությունը ճիշտ չէ, պարզապես Մխիթարյանը տեսականորեն հետաքրքրիր է Ռուսաստանի Պրեմյեր լիգայի բոլոր թիմերին»,- գրել է Տիմուր Ժուրավելը՝ հրապարակելով Հենրիխ Մխիթարյանի հետ լուսանկար:
Հիշեցնենք, որ Հենրիխ Մխիթարյանը հունվարի 10-ին վերսկսել է մարզումները վնասվածքից հետո: Նա վնասվածք էր ստացել «Տոտենհեմի» դեմ Անգլիական լիգայի գավաթի խաղարկության քառորդ եզրափակիչի խաղում, որը կայացել է դեկտեմբերի 19-ին:
Վերջերս եվրոպական մամուլում լուրեր են շրջանառվում, որ հայ կիսապաշտպանը կարող է հեռանալ անգլիական ակումբից:
сегодня общались с Генрихом на базе Арсенала.) мимо пробегал Эмери, бросив на ходу: ждём, когда вернёшься, ты нам очень нужен! уверен, что инфа про Зенит - утка. просто Мхитарян теоретически интересен всем клубам РПЛ.) pic.twitter.com/BSgbEFjozp
— ZhuraWell (@TimZhur) January 10, 2019
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.