Հայաստանի հավաքականի պաշտպան Գաել Անդոնյանը ձմեռային տրանսֆերային պատուհանի ընթացքում կարող է նոր ակումբի միանալ: Նախորդ տարվա ամռանը ֆրանսիական «Մարսելից» հեռանալուց հետո 23-ամյա ֆուտբոլիստն ազատ գործակալի կարգավիճակում է:
NEWS.am Sport-ին հայտնի դարձավ, որ Անդոնյանը կարող է տեղափոխվել անգլիական Չեմպիոնշիփում հանդես եկող «Լիդս», որը գլխավորում է «Մարսելի» նախկին գլխավոր մարզիչ Մարսելո Բյելսան: Արգենտինացի մասնագետի հետ հայ պաշտպանն աշխատել է «Մարսելում»:
Անդոնյանի ծառայություններով հետաքրքրված են նաեւ հայկական ակումբներ:
Հիշեցնենք, որ Գաել Անդոնյանը 2015 թվականին է նորամուտը նշել Հայաստանի հավաքականում, որի կազմում անցկացրել է 23 հանդիպում: Նախորդ տարի նա փորձաշրջան էր անցել անգլիական «Սանդերլենդի» երիտասարդական թիմում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։