Հունահռոմեական ըմբշամարտի Հայաստանի հավաքականը տարվա առաջին հավաքը կանցկացնի Ծաղկաձորում

15:42   10 հունվարի, 2019

Հունահռոմեական ըմբշամարտի Հայաստանի հավաքականը հունվարի 17-31-ը հավաք կանցկացնի Ծաղկաձորում, փոխանցում է ՀԱՕԿ-ի կայքը։

Հավաքին կմասնակցեն նաեւ Հայաստանի երիտասարդական թիմի առաջատարներ ըմբիշները: Հավաքականի գլխավոր մարզիչ, օլիմպիական չեմպիոն Լեւոն Ջուլֆալակյանը հատնել է, որ հավաքին կմասնակցեն շուրջ 60 մարզիկներ:

Դա կլինի մեծահասակների հավաքականի նախապատրաստական առաջին փուլը Բուխարեստում ապրիլի 10-14-ը կայանալիք Եվրոպայի առաջնության համար։

Ծաղկաձորյան հավաքից հետո մեր մի խումբ ըմբիշներ կմասնակցեն Ֆրանսիայում փետրվարի 1-4-ը կայանալիք միջազգային մրցաշարին։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։