Ռոբերտ Արզումանյանն աշխատանքի է անցել «Փյունիկում»
15:16 10 հունվարի, 2019Հայաստանի ազգային հավաքականի նախկին պաշտպան Ռոբերտ Արզումանյանն աշխատանքի է անցել Երեւանի «Փյունիկում», հայտնում է ակումբի մամուլի ծառայությունը։
Նախկին ֆուտբոլիստը կզբաղեցնի «Փյունիկի» գլխավոր սելեկցիոների պաշտոնը։
Հիշեցնենք, որ «Փյունիկը» 33-ամյա Արզումանյանի առաջին ակումբն է։ Նա կարիերան ավարտել էր նախորդ տարի, իսկ վերջին ակումբն էր «Արցախը»։
Ռոբերտ Արզումանյանը 2005-2016-ը Հայաստանի հավաքականի կազմում մասնակցել է 74 հանդիպման եւ դարձել 5 գոլի հեղինակ: Կարիերայի ընթացքում նա հանդես է եկել նաեւ դանիական «Ռանդերսում», լեհական «Յագելոնիայում», ռուսական «ԲՄԱ-Էներգիայում», ղազախական «Ակտոբեում», Պերմի «Ամկարում» եւ Կարագանդայի «Շախտյորում»:
Վերջերս Արզումանյանն աշխատանքի էր անցել Հայաստանի ֆուտբոլի ֆեդերացիայում, որտեղ ղեկավարում է սկաուտական բաժինը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.