«Արսենալ» - «Ղարաբաղ» խաղում Արցախի դրոշով դաշտ ներխուժած երկրպագուն՝ իր համարձակ քայլի մասին

13:30   10 հունվարի, 2019

Լոնդոնի «Արսենալի» ու Ադրբեջանը ներկայացնող «Ղարաբաղի» միջեւ Եվրոպայի լիգայի խմբային մրցաշարի վերջին տուրի հանդիպման ժամանակ Արցախի դրոշով եւ շապիկին Մոնթե Մելքոնյանի պատկերով դաշտ ներխուժած երկրպագուն այս օրերին Հայաստանում է:

Բելգիայում բնակվող Սպարտակ Ադամյանը նախօրեին ներկա էր Հայաստանի ազգային հավաքականի երկրպագուների ՖԱՖ շարժման ամանորյա ամենամյա միջոցառմանը, որի ընթացքում պատմեց իր համարձակ քայլի պատճառների մասին եւ արժանացավ հատուկ մրցանակի: Սպարտակն էլ իր հերթին նվերներ հանձնեց ՖԱՖ-ի հիմնադիր Սերգեյ Ջանջոյանին: Ներկաները շատ ջերմ ընդունեցին նրան:

Ավելի վաղ ՖԱՖ-ի երկրպագուները Սպարտակին դիմավորել էին «Զվարթնոց» օդանավակայանում: Նա մոտ 20 տարի չէր եղել Հայաստանում:

Հիշեցնենք, որ Լոնդոնի «Էմիրեյթս» ստադիոնի անվտանգության աշխատակիցները հայ երկրպագուին ամիջապես հեռացրել էին խաղադաշտից: «Ղարաբաղի» դեմ խաղում «Արսենալը» նվազագույն հաշվով հաղթել էր ֆրանսիացի հարձակվող Ալեքսանդր Լյակազեթի գոլի շնորհիվ, իսկ Հայաստանի հավաքականի կիսապաշտպան Հենրիխ Մխիթարյանը մնաց անգլիական ակումբի պահեստայինների թվում:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։