Գվարդիոլայի կարիերայի ամենախոշոր հաղթանակի կրկնությունը

«Մանչեսթեր Սիթիի» գլխավոր մարզիչ Խոսեպ Գվարդիոլայի համար Անգլիական լիգայի գավաթի խաղարկության կիսաեզրափակիչի առաջին խաղում «Բարտոն Ալբիոնի» նկատմամբ 9:0 հաշվով հաղթանակը ռեկորդի կրկնություն էր: Կրկնվեց կատալոնացի մասնագետի մարզչական կարիերայի ամենախոշոր հաշվով հաղթանակը, փոխանցում է Opta-ն:

47-ամյա Գվարդիոլան ամենախոշոր հաղթանակը 2009-ին տարել էր «Բարսելոնայի» հետ՝ 9 անպատասխան գնդակ ուղարկելով «Լ՛Օսպիտալետ» ակումբի դարպասը:

Հիշեցնենք, որ «Բարտոն Ալբիոնի» դեմ խաղում պոկերի հեղինակ էր դարձել բրազիլացի հարձակվող Գաբրիել Ժեզուսը: Պատասխան հանդիպումը տեղի կունենա հունվարի 23-ին: