Երեւանի «Արարատը» հունվարի 8-ին վերադարձել է արձակուրդից եւ վերսկսել մարզումները, հայտնում է ակումբի մամուլի ծառայությունը:
Աբրահամ Խաշմանյանի գլխավորած թիմը մարզումներն անցկացնում է Ձորաղբյուրի մարզահամալիրում: Բացակայում են միայն Արեւմտյան Հայաստանի հավաքականի ճամբարում գտնվող ֆուտբոլիստները, որոնք թիմին կմիանան առաջիկայում:
Հունվարի 14-21-ը «Արարատն» առաջին ուսումնամարզական հավաքը կանցկացնի Ձորաղբյուրում: Այնուհետեւ թիմը կմեկնի Սոչի, որտեղ հունվարի 23-ից փետրվարի 3-ը կանցկացնի հավաք: Վերջին հավաքը կկայանա փետրվարի 11-23-ը Կիպրոսում:
Երեւանյան ակումբի կազմում փորձաշրջան են անցնում մի շարք լեգեոնականներ, որոնք պայմանագիր կկնքեն առաջիկայում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։