5 տարի առաջ այս օրը Միխայել Շումախերը գլխուղեղի ծանր վնասվածք ստացավ լեռնադահուկով սահելիս
15:18 29 դեկտեմբերի, 20185 տարի առաջ այս օրը՝ 2013 թվականի դեկտեմբերի 29-ին, Ֆորմուլա-1-ի յոթակի չեմպիոն Միխայել Շումախերը ֆրանսիական Ալպերում լեռնադահուկով սահելիս ստացել էր գլխուղեղի ծանր վնասվածք:
Միջադեպից հետո բժիշկները գերմանացի լեգենդար ավտոարշավորդի վիճակը գնահատում էին ծայրահեղ ծանր, նա գտնվում էր կոմայի մեջ: Կես տարի անց Շումախերի մենեջեր Սաբինա Կեմը հայտնեց, որ գերմանացին դուրս է եկել կոմայից եւ սկսել է արձագանքել հարազատների ձայներին: Դրանից հետո նրան տեղափոխեցին շվեյցարական Լոզան, որտեղ նա շարունակում էր վերականգնողական կուրս անցնել հիվանդանոցում: Մոտ մեկ տարի հիվանդանոցում անցկացնելուց հետո մարզիկը տեղափոխվել էր տուն, որտեղ 24-ժամյա հսկողության տակ էր գտնվում բժիշկների կողմից:
Մամուլի համաձայն՝ տան պայմաններում 49-ամյա Շումախերի շաբաթական բուժման ծախսը կազմում էր 157 հազար եվրո:
Վերջերս լուրեր էին շրջանառվում, որ ավտոարշավորդն այլեւս անկողնային վիճակում չէ եւ չի ստանում ահրեստական շնչառություն:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։