ԱԱ. Տիգրան Պետրոսյանն ուժեղ էր Հիկարու Նակամուրայից

18:46   27 դեկտեմբերի, 2018

Սանկտ Պետերբուրգում շարունակվում է շախմատի արագ խաղի աշխարհի առաջնությունը։ 6–րդ տուրում Տիգրան Լ. Պետրոսյանը սպիտակներով պարտության է մատնել ռապիդում համաշխարհային դասակարգման երկրորդ համար, ամերիկացի Հիկարու Նակամուրային, որի արագ խաղի վարկանիշը 2844 է, Պետրոսյանինը 2676 է։

6–րդ տուրում Լեւոն Արոնյանը սպիտակներով մրցել է Գաբրիել Սարգսյանի հետ։ Գրանցվել է ոչ ոքի։ Արդեն ավարտվել է նաեւ 7–րդ տուրը։ Տիգրան Լ. Պետրոսյանը սեւերով պարտվել է հոլանդացի Անիշ Գիրիին։ Արոնյանը սեւերով ոչ ոքի է խաղացել ռուսաստանցի Բորիս Սավչենկոյի հետ։

7 տուրից հետո Հայաստանի ներկայացուցիչներից լավագույն արդյունքն (4.5–ական միավոր) ունեն Ռոբերտ Հովհաննիսյանը, Գաբրիել Սարգսյանը, Լեւոն Արոնյանը, Վլադիմիր Հակոբյանը։ Տիգրան Լ. Պետրոսյանը վաստակել է 4 միավոր։

Ռոբերտ Հովհաննիսյանն առաջին տուրում սպիտակներով պարտության էր մատնել Լեւոն Արոնյանին։

Առաջին տեղն առայժմ կիսում են 7 հնարավորից 6–ական միավոր վաստակած ռուսաստանցի Դմիտրի Անդրեյկինն ու ուկրաինացի Անտոն Կորոբովը։

Դեկտեմբերի 27–ին կանցկացվի եւս երեք տուր։ Մրցաշարը բաղկացած է 15 տուրից։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։