Մարգարիտա Գասպարյանը կխաղա Նոր Զելանդիայում

16:42   26 դեկտեմբերի, 2018

Ռուսաստանցի թենիսիստուհի Մարգարիտա Գասպարյանն ընդգրկվել է հունվարին Նոր Զելանդիայում կայանալիք Օքլենդի մրցաշարի մասնակիցների թվում: Հայ մարզուհին կփոխարինի չեխ Մարկետա Վոնդրոուշովային, հայտնում է Կանանց թենիսի ասոցիացիայի (WTA) մամուլի ծառայությունը:

Մարգարիտա Գասպարյանը տարին ավարտել էր WTA-ի վարկանիշային աղյուսակի 92-րդ տեղում: Տեւական ընդմիջումից հետո նա վերադարձել էր լավագույն 100-յակ:

2018-ին 24-ամյա Գասպարյանը ծանր վնասվածքի ու 3 վիրահատությունների պատճառով բաց էր թողել մոտ 4 ամիս: Այս տարի նա նվաճել էր Ուզբեկստանի մայրաքաղաք Տաշքենդում կայացած WTA շարքի մրցաշարի հաղթողի կոչումը:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։