Ֆուտբոլի Հայաստանի ազգային հավաքականի նախկին գլխավոր մարզիչ Արթուր Պետրոսյանը գլխավորել է Վանաձորի «Լոռին», հայտնում է ակումբի մամուլի ծառայությունը:
46-ամյա մասնագետի պայմանագիրը նախատեսված է մինչեւ ընթացիկ մրցաշրջանի ավարտը եւ ունի երկարաձգելու հնարավորություն:
Հիշեցնենք, որ Արթուր Պետրոսյանը Հայաստանի հավաքականը գլխավորել է 2016-ի նոյեմբերից մինչեւ 2018-ի ապրիլը: Գյումրեցի մասնագետը մարզչական գործունեությունը սկսել է 2006 թվականին եւ երկար տարիներ աշխատել է շվեյցարական «Ցյուրիխի» տարբեր տարիքային թիմերում: Ֆուտբոլային կարիերայի ընթացքում Արթուր Պետրոսյանը Հայաստանի ազգային հավաքականի կազմում 1992-2004-ն անցկացրել է 69 հանդիպում եւ դարձել 11 գոլի հեղինակ:
«Լոռիի» գլխավոր մարզիչի պաշտոնում Արթուր Պետրոսյանը կփոխարինի Արմեն Ադամյանին, որը Վանաձորի թիմը գլխավորում էր 2017 թվականի հուլիսի 25-ից եւ պաշտոնից հեռացավ դեկտեմբերի 13-ին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։