Մակեդոնական «Վարդարից» հեռացած Հայաստանի հավաքականի հարձակվող Տիգրան Բարսեղյանը հնարավոր է կարիերան շարունակի Խորվաթիայում:
NEWS.am Sport-ի տվյալներով, 25-ամյա ֆուտբոլիստի ծառայություններով հետաքրքրված են խորվաթական «Ռիեկան» եւ «Հայդուկը»:
Տիգրան Բարսեղյանը NEWS.am Sport-ի թղթակցի հետ զրույցում հայտնել էր, որ առաջարկներ ունի Հայաստանի, Չինաստանի, Ղազախստանի եւ եվրոպական մի քանի թիմերից, սակայն չի շտապում որոշում ընդունել, որպեսզի ընտրի լավագույն տարբերակը:
Տիգրան Բարսեղյանը «Վարդարում» հանդես էր գալիս 2016 թվականից: 68 խաղում խփել է 22 գոլ, կատարել 11 գոլային փոխանցում: Ընթացիկ մրցաշրջանում հայ ֆուտբոլիստը «Վարդարի» կազմում մասնակցել էր 9 հանդիպման, խփել 4 գոլ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։